Wednesday, September 05, 2007

മഴവില്ലു തേടുന്നവര്‍

ഈ മരുഭൂമിയിലധികം മഴ പെയ്യാറില്ല.
എന്തിനാണു,
പ്രവാസിയുടെ മിഴികള്‍ നന്നായി പെയ്യുന്നുണ്ടല്ലോ?
ഈ രാസാധിക്യലോകത്തു മന്‍ഷ്യനധികം കലഹിക്കാനവസരമില്ല.
എന്തിനാണു,
ക്ഷണിക ജീവിതത്തില്‍ തന്നെ ആവശ്യത്തിലധികമവന്‍ കൊമ്പു കോര്‍ക്കുന്നുണ്ടല്ലോ?
രോഗിയായ കൂടപ്പിറപ്പിനെ സന്ദര്‍ശിക്കാന്‍ അവനു സമയമില്ല.
എന്നിട്ടും
അടച്ചു പൂട്ടിയ ചുമരുകളിക്കിടയില്‍ തനിച്ചിരുന്നവന്‍ ഏഴാം കടലിന്നക്കരെയുള്ള
ഇ-ശത്രുവിനോട്‌ "സധൈര്യം" പടവെട്ടുന്നുണ്ടല്ലോ?
ലക്ഷ്യവും മാര്‍ഗ്ഗവും സംശുദ്ധമായാലേ ബഹുമാനിക്കപ്പെടുകയുള്ളൂ.
ഇല്ലങ്കില്‍ മഹാത്മാഗാന്ധിയുടെ പ്രതിമയെക്കാള്‍ കായംകുളം കൊച്ചുണ്ണിയുടെ പ്രതിമയുണ്ടായേനെ!
---------------------------------------------------------

സച്ചിതാനന്ദന്‍ പറഞ്ഞപോലെ
ഇനിയും വറ്റാത്ത നാടന്‍ പാട്ടുകളിലും,
ഇനിയും വാടാത്ത ഓണപ്പൂക്കളിലും നിന്നു,
നീര്‍ വലിച്ചെടുത്താണ്‌
മേളത്തിന്റെ എണ്ണങ്ങളുമായി മഴ പടര്‍ന്നൊഴുകിയത്‌.
ആ നന്മയുടെ മഴ എപ്പഴേ നിന്നു .
ഞാറ്റുവേലകള്‍ അവശേഷിച്ച ഇറവെള്ളം മാത്രം ഇപ്പോഴും ഇറ്റു വീഴുന്നു.
പോയ ഉത്സവത്തിന്റെ ഓര്‍മ്മകള്‍ പോലെ!
ആ ഇറയത്തേക്കു കുഞ്ഞികൈ നീട്ടി തണുപ്പിനെ സ്വന്തമാക്കാന്‍ തുനിയുന്ന ഒരു മകളും അവളെ സ്നേഹിക്കുന്ന കാണാമറയത്തുള്ള അച്ഛനും.
ഇന്റര്‍നെറ്റും,ഇലക്ട്രോണിക്‌ ഉപകരണങ്ങളും മനുഷ്യ-നന്മക്കുപകരിക്കാന്‍ പറ്റുമെന്ന പ്രതീക്ഷയുടെ തിരിനാളം ഇനിയും കെടാതെ സൂക്ഷിക്കുന്ന ഒരു കിളിക്കൂട്ടില്‍ നിന്ന്!
ഓണാശംസകളോടെ!








10 comments:

കരീം മാഷ്‌ said...

ഈ മരുഭൂമിയിലധികം മഴ പെയ്യാറില്ല.
എന്തിനാണു,
പ്രവാസിയുടെ മിഴികള്‍ പെയ്യുന്നുണ്ടല്ലോ?
ഇന്റര്‍നെറ്റും,ഇലക്ട്രോണിക്‌ ഉപകരണങ്ങളും നന്മക്കുപകരിക്കാന്‍ പറ്റുമെന്ന
പ്രതീക്ഷയുടെ തിരിനാളം
ഇനിയും കെടാതെ സൂക്ഷിക്കുന്ന ഒരു കിളിക്കൂട്ടില്‍ നിന്ന്!

അപ്പു said...

മാഷേ... എല്ലാ ഭാവുകങ്ങളും

Sul | സുല്‍ said...

:)
sul

ഇട്ടിമാളു said...

മാഷെ.. ഇത് കൊള്ളാലോ..

മഴത്തുള്ളി said...

അങ്ങനെ പ്രതീക്ഷിക്കാം !

SAJAN | സാജന്‍ said...

ഈ മരുഭൂമിയിലധികം മഴ പെയ്യാറില്ല.
എന്തിനാണു,
പ്രവാസിയുടെ മിഴികള്‍ പെയ്യുന്നുണ്ടല്ലോ?
ഈ വരികള്‍ ഇഷ്ടപ്പെട്ടു :)

SHAN ALPY said...

very super maaash...

മുസാഫിര്‍ said...

കരിം മാഷെ ,

വരികള്‍ ഇഷ്ടമാ‍യി.പടങ്ങള്‍ വെട്ടിമുറിച്ച് കുളമാക്കിയെന്നു പറഞ്ഞാല്‍ വിഷമം ആവുകയ്യില്ലല്ലോ ?

മഴതുള്ളികിലുക്കം said...

മാഷേ

എല്ലാം വളരെ മികച്ചത്‌..തുടരുക

നന്‍മകല്‍ നേരുന്നു

malayalee said...

ലോകമെമ്പാടുമുള്ള 1000കണക്കിന്‌ മലയാളീകളെ കണ്ടെടുക്കുക

നിങ്ങള്‍ ആഗ്രഹിക്കുന്നുവെങ്കില്‍ നമുക്ക് ഒന്നായി ചേര്‍ന്ന് ഒറ്റ സമൂഹമായി ഒരു കുടക്കീഴില്‍ അണിചേര്‍ന്നിടാം. നിങ്ങളുടെ ചിന്തകളും വികാരങ്ങളും പരസ്പരം പങ്കു വയ്ക്കാന്‍ ആഗ്രഹിക്കുന്നുവോ ? ദയവായി ഇവിടെ ക്ലിക് ചെയ്യുക http://www.keralitejunction.com

ഇതിന്‌ ഒപ്പമായി മലയാളീകളുടെ കൂട്ടായ്മയും ഇവിടെ വീക്ഷിക്കാം http://www.keralitejunction.com